Awal ɣef umedyaz, amyaru, aggag, ameɣnas: Ṭaher Ǧaɛut

28/05/2014 - 07:40

TAMURT N YIQVAYLIYEN (SIWEL) — "D aggag yettnaγen γef tlelli, γef tugdut, γef tmaziγt s tidet d tezdeg. Qeccmen-t imi yugi tasusmi. Yenna-d, nγan-t. Maca ayen i d-yenna ur yettmettat ara. Aa aγ-d-yeqqim d tafat ara γ-d-yeskanen iverdan yessidiren amdan". Sγur Buεziz u Cebbi

Ass n 26 mayu n useggas n 1993, iγallen n tillas nγan yiwen n yetri n tudert. Ṭaher Ǧaεut, d aneγmas amenzu i nγan irevraven. 

Yettwassen s tira-s. Idlisen-is i d-yessekfalen iẓuran d tidet yeffren, nudan ddunit merra. 

D amyaru amaḍlan. D amusnaw i s ara nzux. Isem-is irennu-d Azal d yiseγ i yedles-nneγ d umezruy-nneγ. 

D aggag yettnaγen γef tlelli, γef tugdut, γef tmaziγt s tidet d tezdeg. Qeccmen-t imi yugi tasusmi. Yenna-d, nγan-t. Maca ayen i d-yenna ur yettmettat ara. Aa aγ-d-yeqqim d tafat ara γ-d-yeskanen iverdan yessidiren amdan. 

Ula deg-mi yemmut s rṣaṣ n leγder, iluxas n udavu vγan ad t-nγen i tikkelt-nniḍen s wawal n tkerkas. D wid yumssen i-yessamasen. Maca Ṭaher am wureγ, ur t-yettnal ara rekku d ssḍid. Yǧǧa-d deffir-s ayen i t-yerran d azamul n kra yessevdaden iγerfan d tγermiwin-nnsen. 

Ṭaher d tafsut, d tudert, d tirrugza, d tezdeg. Ur as-tezmir ara lmut. Yerna tatut. Yufrar ger wid yufraren. 

Buεziz u Cebbi